Anar Əhəd

Dəstəmaz aldım dedilər sünnidi,

Süst kimi oldum! - dedilər sünnidi.

Çatdı namaz cəhd elədim qılmağa,

Başladılar özləri süst olmağa.

Sünni deyil Şiədi qardaşdı bu,

Yəqin bayaq dəstəmazda çaşdı bu.

Başladılar sorğu-sual, söhbətə,

Qalmadılar razı olan ülfətə.

Kəc baxaraq gah dedilər Sünnidi,

Xoş baxaraq gah dedilər Şiədi.

Bilmədilər hansı təriqətdəyəm,

Müsəlmanam, haqqa həqiqət deyəm.

Fisulət 33

Allaha tərəf çağıran, yaxşı iş görən və: «Mən müsəlmanlardanam!» - deyən kəsdən daha gözəl danışan kim ola bilər?