Anar Əhəd

Eşq aləmi hikmət dolu dərya, qəmi vardır.

Dərya səni cəlb etdisə dünya qəmi vardır.

Sən Tanrını sevmək belə asanmı sanırsan?

Məcnun kimi aşiqlərə Leyla qəmi vardır.

Eşqin ki böyük oldusa, Xaliq tərəfindən,

Ağır sınağın yolları, hətda qəmi vardır.

Təklik məni haqlar sözü düz, haqqı deyəndən,

Qəlbimdə mənim haqq Əli mövla qəmi vardır.

Səbr et ey Anar, bax götür ibrət Hüseyindən,

Tarix boyu eşq əhlinə sevda qəmi vardır.